اسلام آباد،وفاقی ترقیاتی ادارے (سی ڈی اے ) کے شعبہ بلڈنگ کنٹرول کو اکتوبر 2021میں 51 اعشاریہ 580ملین روپے کا ریونیو موصول ہوا۔
تفصیلات کے مطابق سی ڈی اے کے شعبہ بلڈنگ کنٹرول نے رواں برس اکتوبر کے مہینے میں اسلام آباد میں 1 کمرشل عمارت کو تکمیلی سرٹیفکیٹ کی مد میں 7 لاکھ 33 ہزار روپے وصول کئے، جبکہ 9 رہائشی عمارتوں کو مکمل ہونے اور انکی جانچ پڑتال کے بعد تکمیلی سرٹیفکیٹ جاری کئے جس کی مد میں 4 لاکھ 12 ہزار روپے وصول کئے گئے، اسی طرح 1 کمرشل عمارت کی منظوری کی مد میں 7 لاکھ 52 ہزار روپے، جبکہ 8 رہائشی عمارتوں کی منظوری کی مد میں 2 لاکھ روپے وصول کئے گئے۔ اسی طرح 34 کمرشل عمارتوں کو 47 ملین روپے میں این او سی جاری کئے گئے، جبکہ 76 رہائشی عمارتوں کو 2 ملین 7 لاکھ روپے میں این او سی جاری کئے گئے۔ واضح رہے کہ سی ڈی اے کے شعبہ بلڈنگ کنٹرول کو رواں برس ماہ اکتوبر 2021 میں 51 ملین 580 ہزار 167 روپے ریونیو کی مد میں موصول ہوئے ہیں ۔
