انٹر بینک میں امریکی ڈالر کی قدر میں ایک مرتبہ پھر نمایاں اضافہ دیکھا جارہا ہے اور ایک دن کے دوران ڈالر 1.63 روپے مہنگا ہوگیا ہے۔تفصیلات کے مطابق منگل کے روز انٹر بینک میں ڈالر کی قدر میں نمایاں تیزی دیکھی گئی، ایک وقت میں ڈالر کی قدر ایک روپے 63 پیسے بڑھ کر 172 روپے 14 پیسے ہوگئی تاہم بعد میں ڈالر کے انٹربینک ریٹ 171.85 روپے کی سطح پر آگئے۔ جب کہ اوپن مارکیٹ میں غیر ملکی کرنسی کے لین دین سے وابستہ ادارے ڈالر خرید تو رہے ہیں لیکن انتہائی محدود پیمانے پر فروخت کی جارہی ہے۔دوسری جانب پاکستان اسٹاک ایکسچینج میں بھی 743 پوائنٹس کی کمی دیکھی گئی ہے۔واضح رہے کہ چند روز قبل سعودی عرب کی جانب سے 3 ارب ڈالر پاکستان کے اکانٹ میں ڈپازٹ کئے جانے کے بعد روپے کی قدر میں اضافہ دیکھا گیا تھا۔
