اسلام آباداہم خبریںعلاقائی

راولپنڈی ،اسلام آباد میں سائبیریا سے آئے پرندوں نے ڈیرے ڈال لئے

اسلام آباد، سائبیریاو شدید سرد علاقوں سے ہجرت کرکے آئے مہمان پرندوں نے راولپنڈی اسلام آباد اور گرد و نواح میں ڈیرے ڈال لیے۔

سرسبز درختوں پر چہچہاتے پرندوں کی اٹھکیلیاں جاری ہیں،شہری بھی مہمانوں کی آمد پر خوش ہیں۔ مہمان پرندے اگلے سال مارچ سے اپریل تک نسبتا متعدل موسمی علاقوں میں قیام کریں گے۔سائبیریا سمیت شدید سرد علاقوں سے مہمان پرندوں کا پاکستان و خطے کے نسبتا متعدل موسمی علاقوں کی جانب ہجرت کرنے کا سلسلہ جاری ہے اور بڑی تعداد میں خوبصورت مہمان پرندوں نے راولپنڈی اسلام آباد اور گردونواح میں ڈیرے ڈال دیئے۔دریائے سواں کے کنارے بڑی تعداد میں مہمان پرندے درختوں پر موجود ہیں۔ صبح سویرے سرسبز درختوں پر بڑی تعداد میں مہمان پرندوں کو دیکھ کر پرندوں کے شوقین افراد و راہ گیر بھی خاصے خوش دکھائی دیے اور رک رک کر پرندوں کو دیکھتے رہے ۔ہر سال سائبریا سمیت شدید سرد علاقوں سے لاکھوں مہمان پرندے کئی ہزار کلو میٹر کی پرواز کرکے، پاکستان و خطے کے قریبی ممالک جہاں سردی کی شدت کم ہوتی ہے ، پناہ لینے آتے ہیں ۔ مہمان پرندے آئندہ سال مارچ اپریل تک ان علاقوں میں قیام کریں گے ۔ماہرین نے شہریوں سے اپیل کی ہے کہ مہمانوں کی آمد صاف ستھرے ماحول سے مشروط ہوتی ہے لہذا ماحول سمیت جھیل ،دریاں وغیرہ کو صاف رکھ کر ہی مہمانوں کی خاطر تواضع ممکن ہوسکتی ہے اور یہ رونقیں اسی طرح بحال رہ سکتی ہیں ۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

Please consider supporting us by disabling your ad blocker