افغانستان نیوزی لینڈ کو نہیں ہراتا تو بھارتی ٹیم کیا کرے گی؟ رویندرا جڈیجا نے بتادیا۔تفصیلات کے مطابق بھارتی آل راونڈر رویندرا جڈیجا نے اس اہم سوال کا جواب دیتے ہوئے حقیقت بتادی کہ اگر افغانستان نیوزی لینڈ کو نہیں ہراتا تو بھارتی ٹیم کیا کرے گی؟ٹی 20ورلڈکپ میں اسکاٹ لینڈ کے خلاف شاندار فتح کے بعد پریس کانفرنس کے دوران رویندرا جڈیجا سے ایک صحافی نے سوال کیا کہ اگر افغانستان نیوزی لینڈ کو ہراتا تو ٹیم انڈیا کے سیمی فائنل میں جانے کے امکانات روشن ہیں لیکن اگر وہ ایسا نہیں کرپاتے تو پھر کیا ہوگا؟رویندرا جڈیجا نے اس جواب میں حقیقت بیان کرتے ہوئے برجستہ جواب دیا کہ تو پھر بیگ پیک کرکے گھر جائیں گے اور کیا۔خیال رہے کہ ٹی20 ورلڈ کپ کے گروپ 2 میں بھارت نے آسان حریف اسکاٹ لینڈ کو 8 وکٹوں سے شکست دے دی۔دبئی میں کھیلے گئے میچ میں بھارت نے اسکاٹ لینڈ کا 86 رنز کا ہدف 6 اعشاریہ 3 اوورز میں حاصل کرلیا اور گروپ 2 میں رن ریٹ کی بنیاد پر ٹاپ ٹیم بن گئی ہے۔بھارت کو سیمی فائنل میں پہنچنے کے لیے اب صرف نیوزی لینڈ اور افغانستان کے میچ کا انتظار کرنا ہوگا، اس میچ میں اگر نیوزی لینڈ کو فتح ہوئی تو بھارت اور افغانستان ایونٹ سے باہر ہوجائیں گے۔افغانستان کی فتح کی صورت میں بھارت کے سیمی فائنل میں پہنچنے کے امکانات بہت حد تک روشن ہوجائیں گے۔نیوزی لینڈ اور افغانستان مابین فیصلہ کن میچ اتوار کو شیخ زید اسٹیڈیم ابوظہبی میں کھیلا جائے گا۔
