اسلام آباد(آئی پی ایس )ادویات مہنگی کرکے عوام کو لوٹنے پر جاری نیب تحقیقات میں اہم پیشرفت سامنے آئی ہے ،عدم شواہد کے بنا پر نیب نے سابق وفاقی وزیر عامر کیانی کا نام کیس سے خارج کردیا۔ذرائع کے مطابق ادویات مہنگی کرنے کے کیس میں پی ٹی آئی رہنما وسابق وفاقی وزیر عامرکیانی کا نام کیس سے خارج کردیا گیا۔نیب ذرائع کے کے مطابق ادویات کی قیمتوں میں اضافے میں وزیر کا کردار نہیں تھا۔واضح رہے چیئرمین نیب جسٹس ریٹائرڈ جاوید اقبال نے پاکستان تحریک انصاف کے مرکزی سیکرٹری جنرل اور سابق وفاقی وزیربرائے قومی صحت عامر کیانی کے خلاف نیب راولپنڈی کو انکوائری کی ہدایت دے دی تھی۔ نیب کو عامر کیانی کے خلاف شکایات موصول ہوئی تھیں،عامر کیانی کے خلاف شکایات کی تصدیق کے بعد انکوائری کا حکم دیا گیا تھا ۔انکوائری کو شفافیت کو یقینی بنانے کے لیے عامر محمود کیانی نے وزارت سے استعفی بھی دیا تھا۔
