اسلام آباد(آئی پی ایس )سی آئی اے پولیس ٹیم کی بڑی کارروائی ،سٹریٹ کرائم میں ملوث دوگینگز کے پانچ ملزمان گرفتار،ملزمان کے قبضے سے چھینے ہوئے 14عدد قیمتی موبائلز فونز جبکہ وارداتوں میں استعمال ہونے والے موٹرسائیکلز، اسلحہ و ایمونشن اور دو خنجر بھی برآمد کرلئے گئے۔ترجمان اسلام آباد پولیس کے مطابق ملزمان میں شاہ زیب،عامر خان، حسن قدیر،جیند اور عیور عباس شامل ہیں ،کشمیر ہائی وے،فیض آباد، شکریال، کراچی کمپنی و دیگر علاقوں میں گن پوائنٹ پر وارداتیں کرتے تھے،کارروائی اے ایس آئی محمد اسحاق، جعفر علی، غلام عباس معہ سی آئی اے جوانوں پر مشتمل ٹیموں نے کی ،ملزمان سابقہ ریکارڈیافتہ ہیں ۔اسلام آباد کے مختلف تھانہ جات میں متعدد وارداتوں میں مطلوب تھے ،ملزمان کے خلاف مزید تفتیش شروع کردی گئی۔ڈی آئی جی آپریشنز اور ایس ایس پی انوسٹی گیشن نے پولیس ٹیموں کو شاباش دی۔
