راولپنڈی(آئی پی ایس )کالعدم جماعت کے احتجاج کا معاملہ ،مریڑ چوک کو چاروں اطراف سے بند کر دیا گیا ،چاندنی چوک سسکستھ روڈ کو کنٹینر لگا کر سیل کر دیا گیا جبکہ لیاقت روڈ گوالمنڈی چوک پر ہوٹل،تندور،جنرل سٹور سمیت تمام دکانیں بند کرا دی گئیں۔تفصیلات کے مطابق راولپنڈی میں دوسرے روز بھی کرفیو جیسی صورتحال سے معمولات زندگی متاثر ہونے لگے، مری روڈ سمیت رابطہ سڑکیں بند ہیں، میٹرو بس سروس اور پبلک ٹرانسپورٹ بھی بند ہے۔ٹی ایل پی کے دھرنے کو روکنے کے لیے راولپنڈی میں دوسرے روز بھی مری روڈ سمیت اہم شاہراہیں مکمل سیل ہیں ۔ میٹروبس سروس اور پبلک ٹرانسپورٹ بند ہے۔مری روڈ پر قائم نجی و سرکاری تعلیمی ادارے اور تمام کاروباری مراکز بھی بند ہیں، میٹرو ٹریک کا کنٹرول رینجرز نے سنبھال رکھا ہے۔ مری روڈ پر پولیس کی بھاری نفری تعینات ہے ۔ مری روڈ مریڑھ چوک سے فیض آباد انٹرچینج تک بند ہے۔ اہم شاہراہیں سیل ہونے سے شہریوں کو شدید پریشانی کا سامنا ہے۔
