الیکشن کمیشن پر الزامات کا کیس: اعظم سواتی ذاتی حیثیت میں طلب

اسلام آباد(آئی پی ایس)الیکشن کمیشن نے وزیر ریلوے اعظم خان سواتی کو چیف الیکشن کمشنر پر الزامات سے متعلق کیس میں شوکاز نوٹس جاری کرتے ہوئے 26 اکتوبر کو ذاتی حیثیت میں طلب کرلیا۔تفصیلات کے مطابق وفاقی وزیر ریلوے اعظم سواتی کے وکیل کے معاون الیکشن کمیشن میں پیش ہوئے۔ معاون وکیل نے کہا کہ سینئر وکیل سپریم کورٹ میں مصروف ہیں۔خیال رہے کہ الیکشن کمیشن نے وفاقی وزیر ریلوے اعظم سواتی کو مہلت دینے کی استدعا مسترد کر دی ہے۔اس کے علاوہ الیکشن کمیشن نے وفاقی وزیر ریلوے اعظم سواتی کو شوکاز نوٹس بھی جاری کر دیا ہے۔واضح رہے10 ستمبر کو سینیٹ کی قائمہ کمیٹی برائے پارلیمانی امور کے اجلاس میں الیکٹرنک ووٹنگ مشین کے معاملے پر اعظم سواتی نے کہا تھا کہ الیکشن کمیشن نے پیسے پکڑے ہوئے ہیں۔ الیکشن کمیشن ملک کی جمہوریت کو تباہ کرنے کا باعث ہے، آپ جہنم میں جائیں، ایسے اداروں کو آگ لگا دیں۔جس کے بعد فواد چوہدری نے اعظم خان سواتی کے ہمراہ پریس کانفرنس کے دوران چیف الیکشن کمشنر پر نواز شریف سے وابستگی کا الزام لگاتے ہوئے انہیں سیاست میں آنے کا مشورہ دیا تھا۔