اسلام آباد،حکومت نے نیب ترامیم کے معاملے پر اپوزیشن سے ایک اور رابطے کا فیصلہ کیا ہے ، نیب ترامیم پر اپوزیشن سے بات چیت کے کئے اسپیکر قومی اسمبلی کو ٹاسک سونپ دیا گیا ہے ۔
تفصیلات کے مطابق حکومت کے نیب ترامیم کے معاملے پر اپوزیشن سے ایک اور رابطے کا فیصلہ سامنے آیا ہے، اور اس حوالے سے ذرائع نے بتایا کہ ہے کہ نیب ترامیم پر اپوزیشن سے بات چیت کے لئے اسپیکر قومی اسمبلی اسد قیصر کو ٹاسک سونپ دیا گیا ہے۔ذرائع کے مطابق اسپیکر اسد قیصر نیب آرڈیننس کے حوالے سے اپوزیشن سے رابطہ کریں گے، اپوزیشن جو ترمیم لانا چاہتی ہے حکومتی ٹیم اس کے ساتھ بیٹھے گی، اور اپوزیشن کی جن ترامیم پر حکومت کو اتفاق ہو گا، اس کو ایکٹ کیلئے بل میں شامل کیا جائے گا، ذرائع کے مطابق اس حوالے سے اپوزیشن سے رابطہ آئندہ ہفتے میں کیا جائے گا۔
