لاہور،پاکستان کی مقبول ترین ٹک ٹاکر اریکا حق کو ٹک ٹاکر آف دی ایئر کیلئے نامزد کردیا گیا۔ تفصیلات کے مطابق ویڈیو شیئرنگ ایپ ٹک ٹاک پر منفرد ادکاری کرکے انتہائی کم عرصے میں مقبولیت حاصل کرنے والی اریکا حق نے سوشل میڈیا پلیٹ فارم پر بتایا ہے کہ ان کا نام ایک بڑے ایوارڈ کے لئے نامزد کیا گیا۔اریکا حق نے گلوکار عاصم اظہر کے گانے تم تم میں اداکاری کی تھی جو گزشتہ سال ریلیز ہوا تھا جسے کافی مقبولیت بھی حاصل ہوئی تھی۔ ٹک ٹاکرنے اپنے پیغام میں لکھاکہ اس موقع پر بہت فخر محسوس کر رہی ہوں کہ اتنے بڑے پلیٹ فارم پیسا سے انہیں ایوارڈ کے لئے نامزد کیا گیا۔ دوسری جانب سالانہ پاکستان انٹرنیشنل اسکرین ایوارڈز (پیسا)کے لئے دوسرے سال کے ایوارڈز کی نامزدگیوں کا اعلان کردیا گیا۔پہلی مرتبہ پیسا ایوارڈز میں سوشل میڈیا اسٹارز کے لیے بھی نامزدگیوں کا اعلان کیا گیا ہے جبکہ کورونا کی وجہ سے سینما بند ہونے کے باعث اس مرتبہ فلموں کے لئے نامزدگیوں کا اعلان نہیں کیا گیا۔پیسا انتظامیہ کی جانب سے جاری کردہ فہرست کے مطابق سال 2021 کے ایوارڈز کے لیے 24 کیٹیگریز کی نامزدگیوں کا اعلان کیا گیا۔
