گلگت (آئی پی ایس )وزیر اعظم و چیئرمین گلگت بلتستان کونسل عمران خان نے قائمقام چیف جسٹس گلگت بلتستان چیف کورٹ جسٹس علی بیگ کو چیف جسٹس گلگت بلتستان چیف کورٹ کا مستقل چیف جسٹس تعیناتی کی منظوری دیدی ۔وزیر اعظم و چیئرمین جی بی کونسل کی منظوری سے باقاعدہ نوٹیفکشن جاری کر دیا گیا ۔جسٹس علی بیگ نے 31اگست کو قائمقام چیف جسٹس کا عہدے کا کا حلف اٹھا لیا تھا اور گورنر گلگت بلتستان راجہ جلال حسین مقپون نے جسٹس علی بیگ سے بطور قائمقام چیف جسٹس کے عہدے کا حلف لیا ۔تفصیلات کے مطابق جسٹس علی بیگ 30اکتوبر 2017 کو چیف کورٹ گلگت بلتستان میں بطور جج تعینات ہوئے جسٹس علی بیگ 2005 میں فیڈرل سروس کمیشن سے بطور ایڈیشنل سیشن جج منتخب ہوئے تھے ۔جسٹس علی بیگ 2جنوری 1966 کو محلہ اسلام داس تھوئی تحصیل یاسین ضلع غذر میں پیدا ہوئے۔ اس نے اپنی ابتدائی تعلیم ڈی جے سکول سے حاصل کی اس کے بعد اس نے گورنمنٹ ہائی سکول طاوس یاسین میں داخلہ لیا ، جہاں سے اس نے مڈل کا امتحان پاس کیا اور اس کے بعد اس نے ہائی سکول نمبر 1 گلگت سے سال 1981 میں میٹرک کا امتحان پاس کرنے کے بعد ، ایف اے میں داخلہ لیا۔ ڈگری کالج H-9 اسلام آباد سے انٹر میڈیٹ اور گریجویشن کی مزید کراچی یونیورسٹی سے بالترتیب 1990 اور 1992 میں ایل ایل بی اور ایم اے پولیٹیکل سائنس کی ڈگری مکمل کیا ۔انہوں نے سال 1990 میں کراچی میں بطور ایڈووکیٹ اپنی وکالت شروع کی 1992 میں ایف پی ایس سی کے ذریعے ریونیو کمشنر/ایڈمنسٹریٹر این اے گلگت کا اسسٹنٹ لیگل ایڈوائزر تعینات ہو گئے انہیں سال 1998 میں ڈسٹرکٹ اٹارنی سکردو میں تبادلہ کیا گیا۔ ڈسٹرکٹ اٹارنی/ ڈسٹرکٹ پبلک پراسیکیوٹر کی حیثیت سے 14-4-2005 تک ڈسٹرکٹ سکردو اور گھانچے میں صوبائی حکومت جی بی اور ڈسٹرکٹ اینڈ سیشن کورٹس سکردو میں نمائندگی کرتے ہوئے اپنے فرائض انجام دیئے۔ اور گھانچے 2004 میں ایف پی ایس سی سے ڈسٹرکٹ اینڈ سیشن جج کا امتحان کوالیفائی کیا۔ اس کے مطابق وہ بطور ایڈیشنل سیشن جج مقرر ہوئے ڈسٹرکٹ اینڈ سیشن جج ڈسٹرکٹ جوڈیشری جی بی میں بطور ایڈیشنل سیشن جج 2005 تک خدمات انجام دیا اس دوران ڈسٹرکٹ اینڈ سیشن جج گھانچے ، دیامر اور گلگت رہے ۔01-10-2011 کو ڈسٹرکٹ اینڈ سیشن جج (BPS-21) کے عہدے پر ترقی دی گئی۔ انہوں نے ڈسٹرکٹ اینڈ سیشن جج غذر، سکردو ، دیامر اور گلگت میں خدمات انجام دیں جسٹس علی بیگ نے گلگت بلتستان چیف کورٹ میں 30 اکتوبر-2017 کو گلگت بلتستان چیف کورٹ گلگت کے جج کی حیثیت سے حلف اٹھایا 31اگست 2021 کو چیف جسٹس ملک حق نواز کی مدت ملازمت مکمل ہونے پرخالی آسامی پر بطور قائمقام چیف جسٹس عہدے کا حلف لی اور 7ستمبر 2021 کو وزیر اعظم و چیئرمین جی بی کو نسل عمران خان نے قائمقام چیف جسٹس علی بیگ کو مستقل چیف جسٹس گلگت بلتستان چیف کورٹ تعینات کر نے کی منظوری دیدی جی بی کونسل نے نوٹیفکشن جاری کردیا جلد اپنے عہدے کا حلف لینگے
