نئی دہلی،بھارتی اداکار سدھارتھ شکلا دل کا دورے پڑنے سے جہان فانی سے کوچ کرگئے ۔بھارتی میڈیا کے مطابق 40 سالہ بھارتی اداکار سدھارتھ شکلا کو دل کا دورہ پڑنے کے باعث ممبئی کے اسپتال میں منتقل کیا گیا تھا جہاں وہ انتقال کر گئے۔بھارتی اداکار اپنے دو بہنوں اور والدہ کے ساتھ رہ رہے تھے۔ سدھارتھ شکلا نے بھارت کے مشہور سیریل بگ باس 13 کے فاتح تھے۔سدھارتھ 12 دسمبر 1980 کو بھارتی شہر ممبئی میں پیدا ہوئے تھے۔واضح رہے کہ سدھارتھ شکلا بھارتی ٹی وی کے مقبول ترین ڈرامے بالیکا ودھو، دل سے دل تک رئیلیٹی شو بگ باس، خطروں کے کھلاڑی اور جھلک دکھلا جا 6 میں نظر آئے تھے۔اس کے علاوہ انہوں نے کرن جوہر کی فلم ہمپٹی شرما کی دلہنیا میں بھی کام کیا تھا۔ بگ باس 13 جیتنے کے بعد سدھارتھ شکلا کو بے حد مقبولیت ملی تھی اور ان کا شمار بھارتی ٹی وی کے مقبول ترین اداکاروں میں ہوتا تھا۔
