امریکی صدر ڈونلڈ ٹرمپ نے کہا ہے کہ انہوں نے وزارت دفاع کو ہدایت دی ہے کہ امریکہ اور جنوبی کوریا کی مشترکہ فوجی مشقوں کے حجم میں نمایاں کمی کی جائے۔ٹرمپ نے سوشل میڈیا پر ایک پوسٹ میں کہا کہ ان فوجی مشقوں پر بھاری اخراجات ” آتے ہیں، جن کا بڑا حصہ امریکہ برداشت کرتا ہے۔ ان کے بقول، یہ مشقیں شمالی کوریا کو ” نامناسب اور مخاصمانہ پیغام ” بھی دیتی ہیں۔ٹرمپ نے کہا کہ شمالی کوریا کے رہنما کم جونگ اُن کے ساتھ اپنے اچھے تعلقات ” کے پیش نظر ، وہ اس بات پر خوش نہیں کہ امریکہ نے بہت پہلے جنوبی کوریا کے ساتھ ان مشترکہ فوجی مشقوں میں شرکت پر رضامندی ظاہر کی تھی۔انہوں نے کہا کہ اب مشقوں کی منسوخی میں بہت دیر ہو چکی ہے، اس لیے انہوں نے وزارت دفاع کو ہدایت دی ہے کہ امریکہ-جنوبی کوریا مشترکہ فوجی مشقوں کا حجم "نمایاں طور پر کم ” کیا جائے۔اپنی پوسٹ کے آخر میں ٹرمپ نے کہا کہ انہوں نے حال ہی میں جنوبی کوریا سے کہا تھا کہ وہ امریکہ کے ساتھ مل کر ایران کو جوہری ہتھیاروں سے پاک کرنے ” کی کوششوں میں تعاون کرے، تاہم جنوبی کوریا نے اس درخواست کو مسترد کیا ۔
