بیجنگ :یکم جولائی کو باضابطہ طور پر موثر ہونے والے "عوامی جمہوریہ چین کے قانون برائے فروغِ قومی اتحاد و ترقی” پر امریکہ اور یورپی یونین کی نام نہاد تشویش پر رد عمل دیتے ہوئے چینی وزارت خارجہ کے ترجمان گو جیا کھون نے تین جولائی کو منعقدہ یومیہ پریس کانفرنس میں کہا کہ متعلقہ ممالک چین کی معاشی و معاشرتی ترقی اور انسانی حقوق کے شعبے میں حاصل کردہ کامیابیوں کو نظر انداز کرتے ہوئے چین کی قومی پالیسی پر دانستہ طور پر غلط بیانی اور منفی پروپیگنڈا کرتے ہیں ، جعلی معلومات پھیلاتے ہیں ، چین کے داخلی امور میں مداخلت کرتے ہیں اور چین کے قومی اتحاد کو نقصان پہنچاتے ہیں۔چین اس طرزِ عمل کی سختی سے مخالفت کرتا ہے۔امریکہ کے قومی ادارہ برائے سمندری و فضائی انتظام کی جانب سے جاری کی گئی "2026 بین الاقوامی ماہی گیری کے انتظام میں بہتری کی رپورٹ” پر تبصرہ کرتے ہوئے ترجمان نے کہا کہ یہ رپورٹ امریکی ملکی قوانین کی بنیاد پر تیار کردہ یکطرفہ اور بے بنیاد درجہ بندی ہے، جو نہ تو حقائق سے مطابقت رکھتی ہے اور نہ ہی بین الاقوامی قانون کے مطابق ہے۔اس کا مقصد چین کی سمندری ماہی گیری کی صنعت کو نقصان پہنچانا ہے، جو کھلی سیاسی چال ہے۔ چین نے اس پر شدید ناراضگی اور سخت مخالفت کا اظہار کیا ہے۔
