بیجنگ:یکم دسمبر کو شائع ہونے والے چھیوشی میگزین کے تیئسویں شمارے میں سی پی سی کی مرکزی کمیٹی کے جنرل سکریٹری، عوامی جمہوریہ چین کے صدر اور سینٹرل ملٹری کمیشن کے چیئرمین شی جن پھنگ کا ایک اہم مضمون شائع ہوگا جس کا عنوان ہے "کمیونسٹ پارٹی آف چائنا کے خوداصلاحی عمل کو پانچ پہلوؤں سے مزید فروغ دیا جانا ہے”۔
مضمون میں اس بات پر زور دیا گیا ہے کہ خوداصلاحی سی پی سی کو عروج و زوال کے تاریخی چکرسے باہر نکال سکتی ہے۔پارٹی کے خوداصلاحی عمل کی کلید اس پر حقیقی عمل درآمد کرنا ہے۔مضمون میں کہا گیا ہے کہ پارٹی کے خود اصلاحی عمل کی سوچ کو بہتر طور پر سمجھنے کی ضرورت ہے۔ پارٹی کی خود اصلاحی کوششیں پارٹی کے تصور اور وقار کو بڑھا سکتی ہیں،پارٹی اراکین اور کارکنان کے مثبت کردار کو متحرک کر سکتی ہیں اور اعلی معیار کی ترقی کے لیے مضبوط سیاسی ضمانت فراہم کر سکتی ہیں۔مضمون میں کہا گیا ہے کہ پارٹی کے اراکین اور کارکنان کو پارٹی سے وابستگی کو مزید مضبوط کرنا چاہیے۔ اہم بات یہ ہے کہ نظریات اور عقائد کو پختہ کرنا، پارٹی کے ساتھ وفاداری مضبوط کرنا، عوام کے لیے محبت کو فروغ دینا، اخلاقی صفتوں اور دیانتداری و شفافیت برقرار رکھنا چاہئے۔پارٹی کے ارکان کو چینی طرز کی جدیدیت کی تعمیر میں فعال طور پر حصہ لینا چاہیے اور عوامی بھلائی کے کام میں اخلاقی معیار کو بلند کرنا چاہیے۔مضمون میں کہا گیا ہے کہ اختیارات کا منظم طریقے سے استعمال مزید بہتر ہونا چاہیے۔ پارٹی کی خود اصلاح کا محور اختیارات کا صحیح استعمال ہے۔ مستقل کوششوں کے ذریعے حقیقی معنوں میں طاقت کو نظام کی حدوں میں رکھنا ضروری ہے۔ پارٹی کے اراکین اور کارکنان کو ہمیشہ یاد رکھنا چاہیے کہ تمام اختیارات عوام کی طرف سے ہیں، اسے درست طریقے سے استعمال کرنا چاہیے اور عوام کے سامنے جواب دہ ہونا چاہیے۔ عوام، تنظیم اور قوانین و ضوابط کا احترام کرنا ضروری ہے۔مضمون میں کہا گیا ہے کہ سخت نگرانی اور ضابطے پر عمل مزید بہتر ہونا چاہیے۔قوانین و ضوابط کی خلاف ورزیوں سے سختی سے نمٹنا چاہیے۔مضمون میں کہا گیا ہے کہ پارٹی کی حکمرانی اور نظم و ضبط کی ذمہ داری کو مزید بہتر طور پر نافذ کرنا چاہیے۔ ہر سطح کے رہنماؤں کو پارٹی کی قیادت اور نظم و ضبط کی ذمہ داری بخوبی اٹھانی چاہیے، اور صحیح طرز عمل کو قائم کرنا چاہیے۔
