ابوظہبی (آئی پی ایس) ابو ظہبی ٹی10 لیگ 2025 میں پہلی بار شرکت کرنے والی نئی فرنچائز رائل چیمپس اپنی بھرپور تیاریوں کے ساتھ میدان میں اترنے کے لیے تیار ہے۔ ویسٹ انڈیز کے لیجنڈری فاسٹ بولر اور ہیڈ کوچ کورٹنی واش
نے کہا ہے کہ ٹیم کا ہدف جدید، سمارٹ اور بے خوف کرکٹ کھیل کر لیگ میں مضبوط انٹری دینا ہے۔
رائل چیمپس 19 نومبر کو ویسٹا رائیڈرز کے خلاف اپنے تاریخی ڈیبیو میچ سے مہم کا آغاز کرے گی۔ڈیبیو سیزن کی تیاریوں کے حوالے سے گفتگو کرتے ہوئے کورٹنی واش نے اسکواڈ کے توازن اور ٹیم کے جذبے کو سراہا۔انہوں نے کہا کہ ابو ظہبی ٹی10 میں قدم رکھنا ہمارے لیے ایک اہم سنگِ میل ہے۔ ٹیم بہترین شکل اختیار کرچکی ہے۔
ہمارا فوکس سمارٹ، بے خوف اور سوچ سمجھ کر کھیلی جانے والی کرکٹ پر ہے۔ فرنچائز کی چیف ایگزیکٹو راجیشری شیٹے نے بھی ٹیم کی ڈیبیو شرکت کو اہم سنگِ میل قرار دیا۔ان کا کہنا تھا کہ یہ ہم سب کے لیے فخر کا لمحہ ہے۔ اس ٹیم کو ابتدا سے تیار کرنا ایک دلچسپ سفر رہا۔ اسکواڈ ہماری بہادری، ٹیم ورک اور اعلیٰ کارکردگی کی قدروں کی عکاسی کرتا ہے۔ کورٹنی واش کی قیادت اور شکیب جیسے سینئرز کی رہنمائی نے ٹیم کے اعتماد کو مضبوط بنایا ہے۔ ہم صرف حصہ لینے نہیں آرہے، بلکہ ایسا معیار قائم کریں گے جسے شائقین یاد رکھیں۔ پوری رائل چیمپس فیملی 22 نومبر کے آغاز کا بے تابی سے انتظار کر رہی ہے۔
