اقوام متحدہ کے فریم ورک کنونشن آن کلائمیٹ چینج (کاپ 30) کے فریقوں کی 30ویں کانفرنس کا مقامی وقت کے مطابق 10 نومبر کو برازیل کے شہر بیلیم میں باضابطہ طور پر آغاز ہو گیا۔ کانفرنس 21 نومبر کو اختتام پذیر ہو گی۔ 12 روزہ کانفرنس کے دوران، دنیا بھر کے ہزاروں سرکاری اہلکار، ماہرین، اسکالرز، اور نمائندے قومی موسمیاتی ایکشن پلان پر تبادلہ خیال کریں گے، سالانہ کلائمیٹ فنانس میں 1.3 ٹریلین ڈالر کے ہدف کو آگے بڑھائیں گے،
اور نئے اقدامات تجویز کریں گے تاکہ ممالک کو موسمیاتی تبدیلی سے ہم آہنگ کرنے اور صاف معیشت کی طرف ” منتقلی” کو تیز کریں۔
کانفرنس کے دوران، تمام رسمی ایجنڈا آئٹمز میں فعال طور پر حصہ لینے کے علاوہ، چینی وفد مختلف زاویوں سے موسمیاتی تبدیلیوں سے نمٹنے کے لیے چین کی فعال پالیسیوں، اقدامات اور کامیابیوں کی نمائش کے لیے کئی تقریبات کی میزبانی کرے گا۔ امریکی حکومت نے حال ہی میں اس بات کی تصدیق کی ہے کہ وہ کسی بھی اعلیٰ سطحی عہدیدار کو کانفرنس میں نہیں بھیجے گا۔ 30 سال میں یہ پہلاموقع ہے کہ امریکہ اقوام متحدہ کے موسمیاتی مذاکرات سے غیر حاضر رہا ہے۔
