لا گو س () چائنا میڈیا گروپ اور لاگوس میں چین کے قونصلیٹ جنرل کے اشتراک سے "جدت، کھلا پن اور مشترکہ ترقی” کے عنوان سے ایک عالمی مکالے کا نائجیریا کے شہر لاگوس میں انعقاد کیا گیا۔سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شن ہائی شیونگ اور نائیجیریا کے وزیر ترقی برائے نوجوان آیوڈلر اولانڈ نے ویڈیو پیغامات بھیجے۔ چین اور نائجیریا کے سیاسی، کاروباری، علمی، اور میڈیا حلقوں کے تقریباً 300 مہمانوں نے اس تقریب میں شرکت کی۔
شن ہائی شیونگ نے کہا کہ سی پی سی کی 20 ویں مرکزی کمیٹی کا چوتھا کل رکنی اجلاس حال ہی میں بیجنگ میں اختتام پذیر ہوا ، جو نئے عہد میں چین کا ایک اور اہم سنگ میل سمجھا جاتا ہے۔ کل رکنی اجلاس میں ملکی ترقی کے اہم اہداف کے حوالے سے اعلیٰ سطحی ڈیزائن اور حکمت عملی پیش کی گئی۔اجلاس نے ایک بار پھر دنیا کے سامنے واضح کیا کہ چین اعلیٰ معیار کے کھلے پن کو وسعت دے گا اور تعاون اور باہمی فائدے کے نئے دور کا آغاز کرے گا۔ قطع نظر اس کے کہ بین الاقوامی حالات کس طرح بدلتے ہیں، چین ہمیشہ کھلے پن ، اشتراک اور اختراع کے اصولوں پر قائم رہے گا اور غیر یقینی صورت حال کا شکار دنیا کو زیادہ اعتماد اور طاقت فراہم کرے گا۔چائنا میڈیا گروپ اپنے شراکت داروں کے ساتھ مل کر عالمی پلیٹ فارم تعمیر کرے گا، "چار گلوبل انیشی ایٹوز” پر عمل کرے گا اور چینی طرز جدیدیت کے وسیع تر امکانات کو دنیا کے ساتھ شیئر کرے گا ۔
نائجیریا کے اخبار "دی نیشن”” بلیو پرنٹ”، کینیا براڈکاسٹنگ کارپوریشن، روانڈا کے چائنا-افریقہ ریویو، اور گیمبیا کے کرنٹ افیئر نیٹ ورک سمیت کئی افریقی ممالک کے مین اسٹریم میڈیا نے تقریب کی کوریج کی۔
