برطانیہ، کینیڈا، آسٹریلیا، اور پرتگال کے فلسطینی ریاست کو رسمی طور پر تسلیم کرنے کے بعدفرانس، موناکو، بیلجیم، لکسمبرگ، مالٹا اور انڈورا نے بھی باضابطہ طور پر فلسطینی ریاست کو تسلیم کرنے کا اعلان کیا۔ یوں اب اقوام متحدہ کے 193 رکن ممالک میں سے 157 نے فلسطینی ریاست کو تسلیم کر لیا ہے۔ سلامتی کونسل کے پانچ مستقل اراکین میں سے صرف امریکہ ہی وہ واحد ملک ہے جس نے اب تک فلسطینی ریاست کو تسلیم نہیں کیا۔
اس دوران، اسرائیل کی جانب سے سر مہری کا رد عمل دیکھنے میں آیا ، حتیٰ کہ اسرائیل نے یہ بھی کہا کہ اس کے جنگی مقاصد صرف غزہ تک محدود نہیں ہوں گے۔
مسئلہ فلسطین کے پرامن حل اور "دو ریاستی حل” کے نفاذ کے لیے ہونے والی اعلیٰ سطحی بین الاقوامی کانفرنس کے ساتھ ہی، بین الاقوامی برادری میں ایک بار پھر فلسطینی ریاست کو تسلیم کرنے کی ایک نئی لہر دیکھی جا رہی ہے ۔ مغربی دنیا میں اسرائیلی پالیسیوں پر اتفاق میں دراڑیں پڑ رہی ہیں اور اسرائیل مزید تنہائی کا شکار ہو رہا ہے۔
