تازہ ترینپاکستان

تحریک انصاف سوشل میڈیا پر سب سے موثر سیاسی جماعت قرار، سروے رپورٹ جاری

اسلام آباد (آئی پی ایس)غیرسرکاری ادارے انسٹیٹیوٹ فار پبلک اوپینین ریسرچ نے اپنی سروے رپورٹ میں کہا ہے کہ پاکستان تحریک انصاف (پی ٹی آئی)سوشل میڈیا پر سب سے موثر سیاسی جماعت کے طور پر موجود ہے۔
سروے رپورٹ کے مطابق 39فیصد پاکستانیوں کے مطابق پاکستان تحریکِ انصاف سوشل میڈیا پر سب سے موثر سیاسی جماعت ہے، پاکستان مسلم لیگ (ن)کو 28فیصد ، پاکستان پیپلز پارٹی کو 9فیصد شہریوں نے موثر قرار دیا۔
سروے رپورٹ میں کہا گیاکہ تحریکِ لبیک پاکستان کو صرف 1 فیصد افراد نے موثر قرار دیا، 55فیصد افراد سوشل میڈیا پر حکومت کی جاری کردہ معلومات پر اعتماد نہیں کرتے، صرف 37 فیصد افراد نے حکومت کی دی گئی معلومات اعتماد کا اظہار کیا۔رپورٹ کے مطابق وٹس ایپ سوشل میڈیا پرسب سے زیادہ استعمال ہونیوالی ایپ ہے، پاکستان میں 43فیصد افراد کے مطابق فیس بک جھوٹی خبروں کا سب سے بڑا ذریعہ ہے۔

Back to top button

Adblock Detected

Please consider supporting us by disabling your ad blocker