بیجنگ: اس سال شی زانگ خود اختیار علاقے میں سول ایوی ایشن کی 60 ویں سالگرہ منائی جا رہی ہے۔ گزشتہ 60 سالوں میں، شی زانگ میں ہوائی روٹس کی تعداد 1 سے بڑھ کر 193 ہو گئی ہے، اور ملک کے متعدد شہروں نے لہاسا کے ساتھ "ایک دن میں پہنچنے” کا ہدف حاصل کر لیا ہے۔
گزشتہ 60 سالوں میں، شی زانگ میں سول ایوی ایشن کی بنیادی ڈھانچے میں تاریخی ترقی ہوئی ہے۔ شی زانگ میں ہوائی اڈوں کی تعداد 1 سے بڑھ کر 8 ہو گئی ہے۔یہاں ہوائی روٹس کا جال ہر طرف پھیلا ہوا ہے، اور نقل و حمل کے حجم میں نمایاں اضافہ ہوا ہے۔
پروازیں ماہانہ 2 سے بڑھ کر روزانہ 200 سے زیادہ ہو گئی ہیں، اور شی زانگ کے ساتھ ہوائی رابطے کے حامل شہروں کی تعداد 2 سے بڑھ کر 81 ہو گئی ہے۔ شی زانگ کی خصوصی مصنوعات مال بردار پروازوں کے ذریعے اندرون و بیرون ملک فروخت ہوتی ہیں۔ گزشتہ سال، شی زانگ میں ہوائی سفر کے ذریعے مسافروں کے کل ٹرپس کی تعداد 76 لاکھ سے تجاوز کر گئی، اور کارگو نقل و حمل کا حجم 52 ہزار ٹن تک پہنچ گیا۔
