امریکہ اور نیٹو کی جانب سے باضابطہ طور پر’’یوکرین کی ترجیحی ضروریات کی فہرست‘‘ امدادی میکانزم کا آغاز

یوکرین کے وزیر دفاع ڈینس شمیہل نے سوشل میڈیا پر کہا کہ یوکرین کے صدر ولادیمیر زیلینسکی، امریکی صدر ڈونلڈ ٹرمپ اور نیٹو کے سیکرٹری جنرل مارک روٹ کے درمیان طے پانے والے معاہدے کے مطابق، امریکہ اور نیٹو نے باضابطہ طور پر "یوکرین کی ترجیحی ضروریات کی فہرست” امدادی میکانزم کا آغاز کیا۔
اس میکانزم سے امریکی ہتھیاروں کے نظام کی فوری فراہمی کے ذریعے یوکرین کی دفاعی صلاحیتوں کو مضبوط بنایا جاسکے گا، ایک منصفانہ اور پائیدار امن کے حصول کے لیے حالات پیدا کیے جاسکیں گے، اور یوکرین کی درخواست پر جنگی ساز و سامان کی فہرست ترتیب دی جائے گی جس کی تصدیق نیٹو کے یورپی کمانڈ کا ہیڈکوارٹر کرے گا۔اتحادی رضاکارانہ عطیات کے ذریعے امریکی ہتھیاروں کی خریداری کو فنڈ کر سکتے ہیں اور نیٹو کے موجودہ "یوکرین سیکورٹی اسسٹنس اینڈ ٹریننگ” میکانزم کے فریم ورک کے تحت سامان کی سپلائی کو منظم کر سکتے ہیں۔
یکم اگست کو امریکی صدر ٹرمپ نے کہا کہ انہوں نے دو جوہری آبدوزوں کو "متعلقہ علاقے” میں تعینات کرنے کا حکم دیا ہے، تاکہ "روسی فیڈریشن کی سلامتی کونسل کے نائب چیئرمین میدویدیف کے دھمکی آمیز بیانات کا جواب دیا جاسکے گا۔”
روسی صدر کے پریس سیکرٹری پیسکوف نے 4 اگست کو اس کے جواب میں کہا کہ جوہری جنگ کا کوئی فاتح نہیں ہوتا، جوہری مسئلے سے متعلق کسی بھی بیان کو انتہائی محتاط انداز میں پیش کیا جانا چاہیے۔