بیجنگ:روس کے نائب وزیر خارجہ روڈینکو نے کہا ہے کہ روس ، چین اور بھارت کے ساتھ سہ فریقی تعاون کے طریقہ کار کی بحالی پر بات چیت کر رہا ہے۔
اس حوالے سے 17 جولائی کو چینی وزارت خارجہ کے ترجمان لین جیان نے پریس کانفرنس میں کہا کہ چین ۔ روس۔ بھارت تعاون نہ صرف تینوں ممالک کے مفاد میں ہے بلکہ علاقائی اور عالمی امن، سلامتی، استحکام اور ترقی کے لیے بھی سازگار ہے۔ چین ، روس اور بھارت کے ساتھ تعاون کو فروغ دینے کے لئے متعلقہ فریقوں کے ساتھ رابطہ برقرار رکھنے کے لئے تیار ہے۔
