بیجنگ: چین کی ریاستی کونسل کے تائیوان امور کے دفتر کی پریس کانفرنس میں ایک رپورٹر نے سوال کیا کہ اطلاعات کے مطابق امریکی ایوان نمائندگان کی تخصیص کمیٹی نے حال ہی میں "مالی سال 2026 کے لئے قومی دفاعی تخصیص ایکٹ” منظور کیا ہے، جس میں سے 500 ملین ڈالر تائیوان سیکیورٹی تعاون کے اقدام کے لئے استعمال کیے جائیں گے، جس میں دفاعی ہتھیاروں اور خدمات کی نئی خریداری، تائیوان کو فوجی تعلیم اور تربیت کی فراہمی وغیرہ شامل ہیں۔
ترجمان ژو فنگ لیان نے کہا کہ امریکی کانگریس میں کچھ لوگوں نے تائیوان سے متعلق منفی مواد کو متعلقہ بلوں میں شامل کرنے پر زور دیا ہے تاکہ "تائیوان کو مسلح کرنے” کے لئے بہانہ اور نام نہاد بنیاد تیار کی جاسکے۔ ہم چین کے داخلی معاملات میں شدید مداخلت، ون چائنا اصول اور چین امریکہ کے درمیان تین مشترکہ اعلامیوں کی شقوں کی خلاف ورزی اور تائیوان کی علیحدگی پسند قوتوں کو غلط پیغام بھیجنے جیسے اقدامات کی سختی سے مخالفت کرتے ہیں۔ ہم امریکہ پر زور دیتے ہیں کہ وہ تائیوان کے معاملے پر چین کے ساتھ اپنے سنجیدہ سیاسی وعدوں کی سختی سے پاسداری کرے، متعلقہ بلوں پر غور کرنا بند کرے اور چین کے داخلی معاملات میں مداخلت بند کرے۔ انہوں نے کہا کہ ڈی پی پی حکام کو چاہے امریکہ سے کتنے ہی ہتھیار مل جائیں، وہ چین کی وحدت کے تاریخی رجحان کو روک نہیں پائیں گے۔
