چین کے نائب صدر ہان زنگ نے فرانس کے شہر نیس میں اقوام متحدہ کی تیسری سمندری کانفرنس کے موقع پر اقوام متحدہ کے سیکرٹری جنرل انتونیو گوتریس سے ملاقات کی۔ ہان زنگ نے کہا کہ چین نے ہمیشہ بین الاقوامی امور میں اقوام متحدہ کے مرکزی کردار کی حمایت کی ہے۔ چین اس سال اقوام متحدہ کے قیام کی اسیویں سالگرہ کے موقع پر اقوام متحدہ کے ساتھ تعاون کو مزید مستحکم کرنے، حقیقی کثیر الجہتی پر عمل کرنے اور عالمی امن اور ترقی کے مقاصد میں نئی خدمات سرانجام دینے کے لئے تیار ہے۔
اقوام متحدہ کے سیکرٹری جنرل انتونیو گوتریس نے کہا کہ اقوام متحدہ کا ایک چین کے اصول پر موقف واضح اور مضبوط ہے اور وہ اصولی طور پر اس اہم مسئلے پر اقوام متحدہ کی جنرل اسمبلی کی قرارداد 2758 کی پاسداری جاری رکھے گا۔ ان کا کہنا تھا کہ چین اقوام متحدہ کا ایک کلیدی شراکت دار ہے۔ اقوام متحدہ چین کے ساتھ ہمہ جہت تعاون کو مزید گہرا کرنے، کثیر الجہتی اور بین الاقوامی نظام کا دفاع کرنے اور اقوام متحدہ کے 2030 کے پائیدار ترقیاتی اہداف کے حصول کے لئے تیار ہے۔
