بیجنگ:سی پی سی کی مرکزی کمیٹی کے پولیٹیکل بیورو کے رکن اور چین کے وزیر خارجہ وانگ ای نے اقوام متحدہ کی جانب سے تہذیبوں کے درمیان مکالمے کے عالمی دن کی پہلی تقریب میں "تہذیبوں کے درمیان مکالمے کا فروغ اور ایک بہتر دنیا کی تعمیر ” کے عنوان سے ورچوئل خطاب کیا۔
وانگ ای نے کہا کہ اقوام متحدہ کی جانب سے تہذیبوں کے درمیان مکالمے کے عالمی دن کا قیام تمام ممالک کے عوام کی تہذیبوں کے درمیان مکالمے اور انسانی ترقی کو فروغ دینے کی عالمگیر خواہش کے عین مطابق ہے اور تمام رکن ممالک نے متفقہ طور پر اس کی حمایت کی ہے۔ وانگ ای نے کہا کہ صدر شی جن پھنگ کا گلوبل سولائزیشن انیشی ایٹو چین کی جانب سے تہذیبوں کے درمیان مکالمے کو فروغ دینے کی ایک اہم کوشش ہے، جو تمام انسانیت کی مشترکہ اقدار کی وکالت کرتا ہے، تہذیبوں کی وراثت اور جدت طرازی کو اہمیت دیتا ہے، لوگوں کے درمیان بین الاقوامی تبادلوں اور تعاون کو مضبوط بناتا ہے ۔
چین تین پہلوؤں سے تہذیبوں کے درمیان مکالمے کو فروغ دینے کی وکالت کرتا ہے۔پہلا یہ کہ تہذیبی مساوات کا محافظ بننا ، دوسرا تہذیبوں کے تبادلوں پر عمل کرنے والا بننا اور تیسرا تہذیبوں کی ترقی کا پرچار کرنے والا بننا۔
واضح رہے کہ 2024 میں اقوام متحدہ کی جنرل اسمبلی کے 78 ویں اجلاس میں چین سمیت 83 ممالک کی جانب سے 10 جون کو تہذیبوں کے درمیان مکالمے کے عالمی دن کے طور پر منانے کی قرارداد متفقہ طور پر منظور کی گئی تھی۔
