موثر اقدامات کے ذریعے کھپت میں اضافہ کیا جائے گا، چین

بیجنگ ،: چین میں مئی کے مہینے میں کنزیومر پرائس انڈیکس (سی پی آئی) ماہ بہ ماہ 0.2 فیصد اور سال بہ سال 0.1 فیصد کم ہوا، اورکول سی پی آئی ، جس میں خوراک اور توانائی کی قیمتوں کو شامل نہیں کیا گیا، میں سال بہ سال 0.6 فیصد اضافہ ہوا، جو گزشتہ ماہ کے مقابلے میں 0.1 فیصد پوائنٹس زیادہ ہے۔ پروڈیوسر پرائس انڈیکس (پی پی آئی) میں ماہ بہ ماہ 0.4 فیصد کمی ہوئی اوریہ کمی گزشتہ ماہ کی طرح ہی رہی۔ سال بہ سال پی پی آئی میں 3.3 فیصد کی کمی ہوئی۔
چین کی میکرو پالیسیوں کو مضبوط کیا گیا ہے ، کچھ صنعتوں میں رسد اور طلب میں بہتری آئی ہے ، اور متعدد شعبوں میں قیمتوں نے مثبت رجحان ظاہر ہوا ہے۔ سب سے پہلے، کھپت کی نئی متحرک قوت کی مسلسل ترقی سے لائیو اسٹاک کی قیمتوں میں سال بہ سال بحالی آئی ہے۔ کھپت کو بڑھانے سے متعلق پالیسیاں مؤثر رہی ہیں ، اور متعدد صارفی اشیاء کی طلب میں بہتری نے متعلقہ صنعتوں میں قیمتوں کو بحال کیا ہے۔ دوسرا، اعلی درجے کے سازوسامان کی مینوفیکچرنگ اور دیگر صنعتوں کی ترقی نے متعلقہ صنعتوں کی قیمتوں کو سال بہ سال بڑھایا ہے۔ صنعتی ترقی اعلی معیار، ذہین اور سبز تبدیلی کی سمت جا رہی ہے ، ہائی ٹیک مصنوعات کی طلب اور متعلقہ صنعتوں کی قیمتوں میں سال بہ سال اضافہ ہوا ہے۔