لاس اینجلس: چین-کیلیفورنیا اقتصادی اور تجارتی فورم گزشتہ روز لاس اینجلس میں منعقد ہوا۔فورم کے دوران، کیلیفورنیا اسٹیٹ ٹرانسپورٹیشن ایجنسی کے سیکر یٹری ٹاکس اومیشیکن نے سی سی ٹی وی کے نامہ نگار کو خصوصی انٹرویو میں بتایا کہ کیلیفورنیا اور چین کا مشترکہ طور پر گرین شپنگ کوریڈور تعمیر کرنا انتہائی اہمیت کا حامل ہے۔ امریکہ کے مغربی ساحل کی دو مصروف ترین بندرگاہیں، یعنی لاس اینجلس پورٹ اور لانگ بیچ پورٹ، اور دنیا کی مصروف ترین بندرگاہ شنگھائی پورٹ کے درمیان موسمیاتی مسائل پر گہرا تعاون انتہائی ضروری ہے، کیونکہ شنگھائی اور کیلیفورنیا کی بندرگاہوں کے درمیان بڑی مقدار میں مال بردار نقل و حمل ہوتی ہے۔ انھوں نے کہا کہ کیلیفورنیا اور چین کے شراکت داروں کے لیے ماحول دوست معاہدے پر دستخط کرنا نہایت اہم ہے۔ ہم اس بات کو یقینی بنانے کے لیے مسلسل کوشش کریں گے کہ چین اور کیلیفورنیا کے درمیان مال بردار نقل و حمل زیادہ ماحول دوست ہو۔
