اسلام آباد:پاک فوج نے بھارت کومنہ توڑ جواب دے کرمودی کے خواب چکناچورکردیئے۔پا ک فضائیہ نے دشمن کے دانت کھٹے کردیئے، آپریشن”بنیان مرصوص” نے دشمن کی جارحیت کا موثر اور بھرپور جواب دیا اور پاکستان نے ہر محاذ پر برتری ثابت کی، ہم اس کامیابی پر اللہ تعالی کے شکر گزار ہیں، جس نے ملک کوسرخروکیا۔
ان خیالات کا اظہار معروف سیاسی وسماجی شخصیت سردارکامران ایوب نے صحافیوں سے گفتگوکرتے ہوئے کیا۔انہوں نے کہا دشمن کی جارحیت کے باوجود پاکستان نے صبر و تحمل لیکن مکمل تیاری کے ساتھ اپنے دفاع کو یقینی بنایا، افواج پاکستان کی قربانیوں کو کبھی فراموش نہیں کیا جا سکتا، قوم ان کے شانہ بشانہ کھڑی ہے۔پاک فوج کی قربانیوں کی بدولت ملک میں امن قائم ہوا،ان کی بدولت ہی ہم امن کی نیند سوتے ہیں۔
انہوں نے کہا کہ جن ممالک کی افواج کمزورہوجائیں وہ ملک قائم نہیں رہ سکتے،آج ہمارے بیٹے، بھائی ہماری نسلوں کی بقا کی جنگ لڑرہے ہیںکشمیرکا بچہ بچہ ان کے شانہ بشارکھڑے ہیں۔چندروز میں سدھنوتی کے عوام کوخوشخبری دوں گا۔اللہ تعالی نے مجھے دولت شہرت دی اس پر اللہ کا جتناشکراداکروں کم ہے۔سدھنوتی کے سیاستدانوں نے عوام کویرغمال بنارکھاہے،اپوزیشن اور حکومت میں بیٹھاکوئی سیاستدان عوام کیلئے کوئی کام نہیں کرتا۔ سردارکامران ایوب نے کہا ہے کہ آج پاکستان ایک بڑے آ زمائشی مرحلے سے گزر رہا ہے اور آزادکشمیر میں بھی ہمارا مکار دشمن اپنے جراثیم چھوڑنے کی کوشش کر رہا ہے، ہمیں اندرونی طور پر انتشار تخریب اور زہنی افراتفری میں مبتلا کر کے اپنے مقاصد پورے کرنا چاہتا ہے جسے ناکام کرنے کی صلاحت آپ ہی کے پاس موجود ہے۔
