بھارت کے متعدد مقامی میڈیا اداروں بشمول پریس ٹرسٹ آف انڈیا کے مطابق، بھارتی وزیراعظم نریندر مودی نے 29 اپریل کی شام اپنی سرکاری رہائش گاہ پر بھارتی دفاع، سلامتی اور فوجی اداروں کے اعلیٰ عہدیداروں کے ساتھ ہونے والے اجلاس میں بھارت کی افواج کو بھارت کے زیر کنٹرول کشمیر میں 22 اپریل کو پیش آنے والے دہشت گرد حملے کے خلاف فیصلہ کن ردعمل دینے کا اختیار دے دیا۔
یہ اجلاس کیبنٹ سیکیورٹی کمیٹی کے اجلاس سے ایک روز قبل منعقد ہوا، جو قومی سلامتی کے معاملات پر بھارت کی اعلی ٰ ترین اتھارٹی ہے۔ باخر شخصیات کے مطابق، مودی نے فوجی قیادت کو بتایا کہ بھارتی مسلح افواج کو کسی بھی فوجی ردعمل کے طریقہ کار، اہداف اور وقت کا تعین کرنے کی "مکمل آزادی” حاصل ہوگی۔30 اپریل کی صبح، پاکستان کے وفاقی وزیر اطلاعات و نشریات عطاء اللہ تارڑ نے واضح کیا کہ بھارت کی کسی بھی جارحانہ فوجی کارروائی کا پاکستان جانب سے سختی سے جواب دیا جائے گا۔
