ایسوسی ایٹڈ پریس اور یونیورسٹی آف شکاگو کے نیشنل اوپینئن ریسرچ سینٹر کی جانب سے 31 مارچ کو جاری کیے گئے ایک تازہ ترین رائے شماری کے نتائج کے مطابق، ایسے وقت میں جب امریکہ اور متعدد ممالک کے درمیان تجارتی تنازعات میں شدت آ رہی ہے، تقریباً 60 فیصد امریکی شہری موجودہ امریکی حکومت کے ٹیرف اور تجارتی مذاکرات کو ہینڈل کرنے کے طریقہ کار سے متفق نہیں ہیں۔
رپبلکن پارٹی سے تعلق رکھنے والے جواب دہندگان عام طور پر صدر ٹرمپ کی پالیسیوں کی زیادہ حمایت کرتے ہیں، لیکن ٹرمپ کی حالیہ تجارتی پالیسیوں کے بارے میں ان کا تاثر بھی خراب ہوا ہے: تقریباً 30 فیصد رپبلکن جواب دہندگان نے ٹرمپ کی تجارتی پالیسیوں سے اختلاف کا اظہار کیا، جبکہ صرف 10 فیصد نے ان کی امیگریشن اصلاحات کو ناپسند کیا۔
