امریکی صدر دونلڈ ٹرمپ نے حالیہ دنوں نیٹو کے سیکریٹری جنرل کے ساتھ بات چیت کے دوران گرین لینڈ کو ضم کرنے اور کنٹرول کرنے کی خواہش کا اعادہ کیا۔
اس کے جواب میں گرین لینڈ کی خود اختیار حکومت کے وزیر اعظم میوٹ بی ایگیڈ نے سوشل میڈیا پلیٹ فارمز پر کہا کہ گرین لینڈ کبھی بھی امریکی علاقہ نہیں بنے گا۔
ایگیڈ کا کہنا تھا کہ "ہمارا ملک کبھی بھی امریکا کا حصہ نہیں بنےگا اور ہم گرین لینڈ کے باشندے کبھی بھی امریکی نہیں بنیں گے۔
ہم امریکی رہنما کے اقدامات کو قبول نہیں کریں گے اور تمام فریق امریکی رہنما کے ناقابل قبول اقدامات کے خلاف متحد ہیں۔ "
گرین لینڈ کی خود اختیار حکومت کی سرکاری ویب سائٹ پر تمام منتخب پارلیمانی جماعتوں کے چیئرمینوں کا ایک مشترکہ بیان شائع ہوا ہے جس میں علیحدگی کی کسی بھی کوشش کی مخالفت کی گئی ہے۔ بیان میں کہا گیا ہے کہ گرین لینڈ کو ضم کرنے اور کنٹرول کرنے کے بارے میں بار بار بیان بازی ہماری تمام جماعتوں کے چیئرمینوں کے لیے ناقابل قبول ہے۔ گرین لینڈ پارلیمنٹ میں تمام سیاسی جماعتوں کے رہنماؤں کی حیثیت سے ہمیں اس بات پر زور دینا ہوگا کہ گرین لینڈ سفارتی ذرائع اور بین الاقوامی قوانین اور قواعد کے فریم ورک کے اندر گرین لینڈ کے مفادات کے لئے کام کرنا جاری رکھے گا۔ ہم اس کوشش کی مکمل حمایت کرتے ہیں اور علیحدگی کی کسی بھی سازش کی سختی سے مخالفت کرتے ہیں۔ گرین لینڈ ایک ہے اور ہم سب اس کی بھرپور حمایت کرتے ہیں۔
