آستانہ:چائنا میڈیا گروپ کے زیر اہتمام ” چائنا ان اسپرنگ : چین کے مواقع ، دنیا کا اشتراک ” گلوبل ڈائیلاگ قازقستان کے شہر آستانہ میں منعقد ہوا۔ سی پی سی سینٹرل کمیٹی کے شعبہ تشہیر کے نائب سربراہ اور چائنا میڈیا گروپ کے صدر شن ہائی شیونگ نے تقریب سے ورچوئل خطاب کیا۔تقریب میں 60 سے زائد مہمانوں نے شرکت کی جن میں قازقستان میں چین کے سفیر ہان چھون لین سمیت سیاسی، کاروباری، تعلیمی اور میڈیا حلقوں کے دیگر نمائندے شامل تھے۔
شن ہائی شیونگ نے کہا کہ اس سال کے دو اجلاسوں میں صدر شی جن پھنگ نے ادارہ جاتی کھلے پن کو مسلسل وسعت دینے اور بین الاقوامی تعاون کے لئے گنجائش کو مسلسل بڑھانے کی ضرورت پر زور دیا۔ چین کی ترقی کو دنیا سے الگ نہیں کیا جا سکتا اور دنیا کی خوشحالی کو بھی چین کی ضرورت ہے۔ عالمی چیلنجوں سے کوئی ایک ملک اکیلے نہیں نمٹ سکتا ۔ "بندش ” کے بجائے ، ” کھلاپن اور اشتراک” بہتر ہے۔ ” ڈی کپلنگ ” کے بجائے ” تعاون اور جیت جیت ” بہتر ہے۔ چین کا دروازہ مزید وسیع ہو گا ۔ "چین کے اعتماد” نے دنیا کی ترقی میں مزید استحکام اور یقین پیدا کیا ہے۔
قازقستان کے اتامیکن ٹی وی، قومی نیوز ایجنسی، بزنس ڈیلی، ہیڈ لائن نیوز نیٹ ورک اور روس کے گریٹ ایشیا ٹیلی ویژن، میٹرو ریڈیو نیٹ ورک سمیت متعدد دیگر غیر ملکی مین اسٹریم میڈیا نےاس ڈائیلاگ کی کوریج کی۔
