یورپی آٹوموٹو انڈسٹری کو درپیش اہم چیلنجوں سے نمٹنے اور اسے معاشی ترقی کا ایک اہم انجن بنائے رکھنے کے لیے، یورپی کمیشن نے 30 جنوری کو "یورپی آٹوموٹو انڈسٹری کے مستقبل کے لیے اسٹریٹجک ڈائیلاگ” کا آغاز کیا۔ یورپی کمیشن کی صدر وان ڈیر لیین نے اس اجلاس کی صدارت کی۔
شرکاء نے آٹوموٹو انڈسٹری کی صاف توانائی کی جانب منتقلی کو فروغ دینے، اور ریگولیٹری فریم ورک کو ہموار بنانے اور اسے جدید بنانے جیسے مسائل پر توجہ مرکوز کی۔ وان ڈیر لیین نے کہا کہ یورپی آٹوموٹو انڈسٹری ایک اہم موڑ پر ہے، اور اس بات کو تسلیم کرنا ضروری ہے کہ یہ شعبہ چیلنجوں کا سامنا کر رہا ہے۔ یہ اسٹریٹجک ڈائیلاگ یورپی آٹوموٹو انڈسٹری کو مستقبل کے تغیرات کا مقابلہ کرنے میں مدد فراہم کرے گا۔ وان ڈیر لیین نے یورپی کمیشن کے متعلقہ اراکین کو 5 مارچ تک ایک جامع ایکشن پلان پیش کرنے کی ہدایت کی ہے تاکہ یورپی آٹوموٹو مینوفیکچرنگ کی عالمی مسابقت کو یقینی بنایا جا سکے۔
