ہم بیرونی جھٹکوں کے اثرات کو کم کرنے اور مزاحمت کرنے کی صلاحیت رکھتے ہیں،نا ئب وزیر
بیجنگ: چین کی ریاستی کونسل کے انفارمیشن آفس نے منعقدہ ایک پریس کانفرنس میں امریکی صدارتی انتخابات کے دوران ٹرمپ کی جانب سے چین پر 60 فیصد محصولات عائد کرنے کے حوالےسے پوچھے گئے ایک سوال کے جواب میں بین الاقوامی تجارتی مذاکرات کار اور وزارت تجارت کے نائب وزیر وانگ شووین نے کہا کہ چین کی معیشت نے بہت مضبوط لچک، زبردست صلاحیت اور توانائی کا مظاہرہ کیا ہے۔ ہم ایک نئی ترقیاتی گردش کی تعمیر کر رہے ہیں جس میں گھریلو گردش کی بنیاد پر گھریلو اور بین الاقوامی دوہری گردش ایک دوسرے کو تقویت دے رہے ہیں، اور ہم بیرونی جھٹکوں کے اثرات کو کم کرنے اور مزاحمت کرنے کی صلاحیت رکھتے ہیں. انہوں نے کہا کہ تاریخ نے ثابت کیا ہے کہ کسی ملک کی جانب سے چین پر زیادہ محصولات عائد کرنے سے اس ملک کا اپنا تجارتی خسارہ حل نہیں ہوتا بلکہ اس کے برعکس اس سے چین اور دیگر ممالک سے درآمدات کی قیمت میں اضافہ ہوتا ہے۔ چونکہ حتمی ٹیرف درآمد کنندہ ملک میں صارف اور خریدار وں کی طرف سے ادا کیا جاتا ہے ، لہذا یہ لامحالہ صارف کی طرف سے ادا کی جانے والی قیمت میں اضافے کا باعث بنتا ہے ، صارف کی لاگت بڑھتی ہے اور قیمت میں اضافہ افراط زر کا باعث بنتا ہے۔
