"چین۔تھانگ شاہی خاندان۔ ایک متنوع اور کھلا دور (ساتویں سے دسویں صدی)” نمائش کا افتتاح

ریو ڈی جنیرو: "چین۔ تھانگ شاہی خاندان۔ ایک متنوع اور کھلا دور (ساتویں سے دسویں صدی)” نمائش کا افتتاح فرانس میں موسی ڈی آرٹ اکیڈمی گھیمے میں ہوا۔

چینی صدر شی جن پھنگ اور فرانسیسی صدر ایمانوئل میکرون نے نمائش کے لئے الگ الگ پیش لفظ تحریر کئے ۔
شی جن پھنگ نے کہا کہ اس سال چین اور فرانس کے درمیان سفارتی تعلقات کے قیام کی 60 ویں سالگرہ ہے۔ تھانگ شاہی خاندان چین کی تاریخ میں سب سے خوشحال خاندانوں میں سے ایک تھا۔

یقین ہے کہ یہ نمائش فرانسیسی اور یورپی ناظرین کو چینی تہذیب کی انوکھی کشش بہتر طور پر محسوس کرنے کا موقع فراہم کرےگی. چینی قوم اور فرانسیسی قوم دونوں کی طویل تاریخ اور شاندار ثقافت ہے۔ ہمیں تاریخ اور ثقافت سے ترغیب حاصل کرتے ہوئے چین اور فرانس کی جامع اسٹریٹجک شراکت داری کو مزید مضبوط اور متحرک بنانے کی ضرورت ہے۔

صدر میکرون نے کہا کہ یہ تاریخی نمائش ایک بار پھر اس بات پر روشنی ڈالتی ہے کہ فرانس اور چین کے درمیان ثقافتی تبادلے قوت حیات سے بھرپور ہیں اور دونوں ممالک کے درمیان تعلقات کی ترقی میں اہم کردار ادا کرتے رہیں گے۔