لندن: لیبر لیڈر سر کیئر سٹارمر برطانیہ کے اٹھاونویں وزیر اعظم منتخب ہوگئے۔
برطانوی میڈیا کے مطابق سر کیئر سٹارمر می بیکنگھم پیلس میں کنگ چارلز سے ملاقات کی، ملاقات کی بعد ان کے وزیر اعظم ہونے کا باقاعدہ اعلان کیا گیا۔
برطانوی پارلیمنٹ کے ہاؤس آف کامنز میں کامیابی حاصل کرنے والے لیبر پارٹی کے رہنما کیئر اسٹارمر نے بکنگھم پیلس میں بادشاہ چارلس سوئم سے ملاقات کی ۔ بادشاہ نے انہیں نیا برطانوی وزیر اعظم مقرر کیا اور کابینہ تشکیل دینے کا ذمہ دار قرار دیا۔
بیکنگھم پیلس کے بعد کیئر سٹارمر ڈائوننگ سٹریٹ پہنچے جہاں پر شہریوں نے نئے وزیراعظم کا شانداراستقبال کیا، کیئراسٹارمر نے ٹین ڈاؤننگ سٹریٹ کے باہرکھڑے شہریوں سے ہاتھ ملا کرشکریہ ادا کیا۔
نومنتخب برطانوی وزیراعظم کئیر سٹارمر نے قوم سے خطاب کرتے ہوئے کہا کہ دنیا کو سنگین چیلنجز کا سامنا ہے، کسی بھی ملک کو ایک بٹن سے تبدیل نہیں کیا جاسکتا، برطانیہ کو ایک بار پھر رہنمائی کرنے والا ملک بنائیں گے۔
کئیر سٹارمر نے کہا کہ ہماری حکومت اپنی سرحدوں کو محفوظ بنائے گی اور شہریوں کو حقوق دے گی، ورکنگ کلاس کی زندگی کو مزید بہتر بنائیں گے، بھاری مینڈیٹ دینے پرعوام کا شکر گزار ہوں، ہم سب کو ملکر آگے بڑھنا ہوگا۔
واضح رہے کہ برطانیہ میں قبل ازوقت ہونے والے عام انتخابات میں 14سال بعد لیبر پارٹی نے میدان مارا ہے، 650 سے 644 نشستوں کے نتائج موصول ہوئے ہیں جس میں لیبر پارٹی 412 سیٹیں لے کر سب سے آگے ہے، کنزرویٹو 121 ، لیبرل ڈیموکریٹس 71 اور ریفارم پارٹی 9 نشستوں اور دیگر35 نشستوں پر کامیاب ہوئے ہیں ۔
