موٹروے ایم ون پشاور سے لیکر رشکی تک شدید دھند کی وجہ سے بند کر دی گئی ہے۔تفصیلات کے مطابق یہ اقدم موٹروے استعمال کرنے والوں کی حفاظت کے پیش نظر اٹھایا گیا ہے۔موٹروے پولیس کے مطابق دھند کی شدت میں کمی واقع ہوتے ہی موٹروے ٹریفک کے لیے کھول دی جائے گی، عوام سے گذارش ہے کہ دھند کے موسم میں غیر ضروری سفر سے گریز کریں۔موٹروے پولیس کے مطابق گاڑیوں میں فوگ لائٹس کا استعمال کریں اور دھند کے موسم میں گاڑیوں میں درمیانی فاصلہ عام حالات کی نسبت زیادہ رکھیں۔دوسری جانب موٹروے ایم ٹو ٹھوکر نیاز بیگ 00 کلو میٹر سے لے کر شیخو پورہ انٹرچینج 47 کلومیٹر بھی شدید دھند کے باعث بند کر دی گئی ہے۔واضح رہے کہ اسموگ، فوگ یعنی دھند اوراسموگ یعنی دھویں سے ماخوذ ایک اصطلاح ہے، یہ ایک فضائی آلودگی ہے، جو انسان کی دیکھنے کی صلاحیت کو کم کردیتی ہے۔
