اسلام آباد(سب نیوز )نامور پاکستانی خطاط رشید بٹ نے سعودی عرب کے یوم تاسیس پر کیلی گرافی آرٹ کا شاندار نمونہ پیش کیا ہے۔پاکستان میں سعودی سفارتخانے کے پریس اتاشی ڈاکٹر نائف التوابی نے رشید بٹ کی ویڈیو کو سوشل میڈیا پر شیئر کرتے ہوئے ان کے کام کی تعریف کی ہے۔رشید بٹ کیلی گرافی آرٹ کے حوالے سے عالمی سطح پر شہرت رکھتے ہیں وہ مکہ اور مدینہ شریف میں بھی کیلی گرافی آرٹ کا مظاہرہ کر چکے ہیں۔جبکہ ان کا کام دبئی اور لندن کے میوزیم میں بھی آویزاں ہے۔ویڈیو پر صارفین نے رشید بٹ کی خطاطی کو بھرپور انداز میں سراہتے ہوئے نیک خواہشات کا اظہار کیا ہے۔
