لاہور(نیوزڈیسک)اشتعال انگیز ٹویٹس کے مقدمے میں پی ٹی آئی کی خدیجہ شاہ کے جسمانی ریمانڈ کی ایف آئی اے کی درخواست مسترد کر دی گئی ہے۔
تفصیلات کے مطابق خدیجہ شاہ کو ایف آئی اے نے جیل سےاپنی حراست میں لینے کے بعد جسمانی ریمانڈ کے لیے عدالت پیش کیا۔
جوڈیشل مجسٹریٹ عمران عابدنے جسمانی ریمانڈ کی درخواست پر سماعت کی،ایف آئی اے کے لیگل ایڈوائزر رانا اعجاز خلیل عدالت پیش ہوئے۔
خدیجہ شاہ کو ایف آئی اے کی جانب سے عدالت میں پیش کرنے کے بعد ملزمہ کے 14روزہ جسمانی ریمانڈ کی استدعا کی گئی۔وکیل ایف آئی اے نےدلائل دیتے ہوئے کہا 9مئی کو خدیجہ شاہ نے اشتعال انگیز ٹویٹ کیے،وہ ٹویٹ ابھی تک ری ٹویٹ ہورہے ہیں۔
خدیجہ شاہ کے وکیل نے کہا خدیجہ شاہ پانچ ماہ سے جیل میں ہیں ،کیا ٹویٹ جیل سے کررہی ہیں ؟سینئر وکیل ہائیکورٹ میں توہین عدالت کی درخواست میں مصروف ہیں،وکیل نے عدالت سے کیس کو انتظار میں رکھنے کی استدعا کردی۔
عدالت نے خدیجہ شاہ کے وکیل کی استدعا منظور کرتے ہوئے سماعت کچھ دیر تک ملتوی کردی۔
عدالت نے دونوں فریقین کے دلائل کے بعد خدیجہ شاہ کے جسمانی ریمانڈ کی درخواست مسترد کردی اور خدیجہ شاہ کو 14 روزہ جوڈیشل ریمانڈ پر جیل بھیج دیا۔
