اسلام آباد(آئی پی ایس)ٹھٹھہ واٹرسپلائی ریفرنس میں اسلام آباد کی احتساب عدالت نے سابق صدر آصف زرداری سمیت پندرہ ملزمان کوطلب کرلیا۔تفصیلات کے مطابق اسلام آباد کی احتساب عدالت میں ٹھٹھہ واٹر سپلائی ریفرنس کی سماعت ہوئی ، احتساب عدالت کےجج محمد بشیر نے ریفرنس پرسماعت کی۔عدالت نے سابق آصف زرداری سمیت 15 ملزمان کوطلب کرلیا اور تمام ملزمان کو طلبی کے نوٹس جاری کردیے، جس میں ملزمان کو 18 دسمبر کو عدالت میں پیش ہونے کی ہدایت کی گئی ہے۔خیال رہے نیب میں ترامیم کو سپریم کورٹ نے کالعدم قرار دے دیا تھا ، جس کی وجہ اب اس پر دوبارہ کارروائی شروع ہو گئی ہے۔
