لاہور (آئی پی ایس) عسکری ٹاور حملہ کیس میں پی ٹی آئی ورکر خدیجہ شاہ نے ضمانت کے لئے درخواست دائر کردی۔
انسداد دہشتگری کی خصوصی عدالت نے خدیجہ شاہ کی ضمانت کی درخواست پر سماعت کی، عدالت نے وکلا کو دلائل کیلئےطلب کرتے ہوئے کارروائی ملتوی کردی۔
درخواست گزار کے وکیل نے موقف اختیار کیا کہ خدیجہ شاہ کا عسکری ٹاور حملہ کیس سے کوئی تعلق نہیں ہے، خدیجہ شاہ 9 مئی کو عسکری ٹاور پر جلاؤ گھیراؤ کے مقدمے میں نامزد ہیں۔
یاد رہے انسداد دہشتگردی عدالت نے 19 جون کو پولیس کی جانب سے خدیجہ شاہ کے جسمانی ریمانڈ کی استدعا مسترد کرتے ہوئے انہیں جوڈیشل ریمانڈ پر جیل بھیج دیا تھا۔
