اسلام آباد (آئی پی ایس) مسلم لیگ ن کے وفاقی وزرا نے بغیر تنخواہ کام کرنے کا فیصلہ کرتے ہوئے وزیراعظم شہباز شریف کو آگاہ کر دیا۔
ذرائع کے مطابق ملکی معیشت کو درپیش مسائل کو مدنظر رکھتے ہوئے ن لیگ کے وفاقی وزرا نے تنخواہیں نہ لینے کا فیصلہ کیا ہے، وفاقی کابینہ میں مسلم لیگ ن کے 12 وزرا اور 3 وزرائے مملکت شامل ہیں۔
واضح رہے کہ وزیراعظم شہباز شریف 14 معاونین خصوصی کی پہلے ہی بلامعاوضہ خدمات کی درخواستیں منظور کر چکے ہیں۔
