تلہ گنگ (آئی پی ایس) پنجاب کی سیکرٹری سیاحت آسیہ گل کی تین ماہ کی خدمات قابل ستائش تاریخی اور یادگار رہیں، آسیہ گل نے محکمہ سیاحت میں تعیناتی کے دوران سیاحت کے فروغ اورترقی کے لیے اہم ترین اقدامات سرانجام دیئے۔
پنجاب میں اہم سیاحتی مقامات تک سیاحوں کی بآسانی رسائی کے لیے آسیہ گل نے جہاں کام کیا وہیں پنجاب کے سیاحتی مقامات کو سوشل ، پرنٹ اور الیکٹرانک میڈیا کے ذریعے دنیا بھر میں شاندارانداز میں اجاگر کیاگیا۔ آسیہ گل نے پنجاب کے اضلاع چکوال مری خوشاب سمیت دیگر اضلاع میں سیاحتی مقامات کی تزئین و آرائش اورخوبصورتی کے لیے جاری کام کو تیز کیا تا کہ سیاح دلنشیں اور پرکشش نظارے دیکھ کر جلد سے جلد لطف اندوز ہوسکیں اور سیاحت کا مزہ دوبالا ہوسکے
آسیہ گل نے انتہائی کم عرصے میں پنجاب میں سیاحت کو اسقدر فروغ اور عروج دیا جو سالہاسال گزرنے کے باوجود نہ ہوسکا آسیہ گل کو اگر چند ماہ تک مزید موقع میسر آجاتا اور آپ کی تعیناتی محکمہ سیاحت ہی میں رہتی تو پنجاب پاکستان کا ایک مثالی سیاحتی مرکز بن جانا تھا۔ پنجاب میں قدرتی سیاحتی مقامات سے ہونیوالی آمدن سے نہ صرف پنجاب بلکہ ملکی معیشت کو بھی فائدہ پہنچتا ہے۔ آسیہ گل نے عوام کے لیے سستی اورآسان سیاحت متعارف کروائی تا کہ ہر شہری باآسانی سیاحتی مقامات سے لطف اندوز ہوسکے۔آسیہ گل نے تعیناتی کے دوران کلر کہار میں ٹی ڈی سی پی ریزورٹ کا دورہ کیاتھا، اس موقع پر سیکرٹری سیاحت نے چکوال، سون ویلی اور کلر کہار میں جاری ترقیاتی کاموں کو تیز کرنے کی ہدایات جاری کیں۔
سیکرٹری سیاحت آسیہ گل نے شاہی قلعہ میں موجود آرکیالوجی ڈائریکٹوریٹ کا دورہ کیا تھا اور آثار قدیمہ کے زیر نگرانی سکھ اور آرمرز گیلری کا بھی وزٹ کیا۔ ڈی جی آرکیالوجی کی جانب سے اعلی خدمات پر آسیہ گل کو اس موقع پر سوینئر بھی پیش کی گئی تھی ۔ پنجاب میں سیاحت کو ڈیجیٹائز کرنے کے حوالے سے اہم اقدامات اٹھائے گئے محکمہ سیاحت پنجاب انفارمیشن ٹیکنالوجی کے ساتھ مل کر “ورچوئل ٹوارزم” متعارف کروائی گی۔ آسیہ گل نے پنجاب میں سیروسیاحت کے فروغ کے لیے عملی اقدامات کرتے ہوئے سیاحت کی فیلڈ کا حق ادا کیا جو آنے والے افسران کے لئے مشعل راہ ہے۔ پنجاب میں متعدد سیاحتی مقامات موجود ہیں ضرورت اس امر کی ہے کہ اعلی افسران آسیہ گل کے نقش قدم پر چلتے ہوئے سیرو سیاحت کے فروغ کے لئے زبانی جمع خرچ کی بجائے عملی اقدامات اٹھائیں۔
