اسلام آباد(سب نیوز)عمران خان کی سابقہ اہلیہ جمائمہ نے کپتان کی ایسی تصویر لیک کردی کہ آپ بھی دنگ رہ جائیں گے ۔
سابق وزیر اعظم اورپاکستان تحریکِ انصاف کے چیئرمین عمران خان کی سابقہ اہلیہ جمائما نے ملکہ برطانیہ کے انتقال پر اپنی اور عمران خان کی ایک یادگار تصویر شئیر کر دی۔
جمائما نے ملکہ برطانیہ کی موت پر افسوس کا اظہار کرتے ہوئے لکھا کہ ملکہ منفرد خصوصیات کی حامل تھیں، انہوں نے اپنے فرائض کو شائستگی، نظم و ضبط، وقار، عزم اور مستقل مزاجی کے ساتھ نبھایا۔
جس کے ساتھ انہوں نے ملکہ برطانیہ کی کئی تصاویر شئیر کیں، جن میں سے ایک ان اور عمران خان کی وہ تصویر تھی، جس میں وہ ملکہ الزبتھ سے ملاقات کر رہے ہیں۔
یاد رہے ملکہ برطانیہ الزبتھ دوم دنیا سے رخصت ہوگئی ہیں، ان کی عمر 96 سال تھی۔ برطانوی حکومت کی جانب سے ملک میں دس روزہ سوگ کا اعلان کیا گیا ہے۔
