اسلام آباد (آئی پی ایس )اسلام آباد کے کورنگ نالے میں چار بچوں کو بچانے کیلئے سیلابی ریلے میں کودنے والے شخص کی لاش نکال لی گئی۔
ریسکیو اہل کار گزشتہ روز سے 45 سالہ محمود کی تلاش میں مصروف تھے، محمود قریبی گاوں ماندلہ کا رہائشی تھا۔محمود نے 4 بچوں کو سیلابی ریلے میں پھنسا دیکھ کر نالے میں چھلانگ لگائی تھی تاہم بھپرے ہوئے پانی میں وہ خود پر قابو نہ پاسکا اور ریلا اسے بہا کر لے گیا۔
نیوی، پولیس اور ریسکیو ٹیموں نے چاروں بچوں کو بچالیا تھا تاہم محمود لاپتہ ہوگیا تھا۔ریسکیو 1122 مری کی ٹیم نے محمودکی لاش راول ڈیم سے نکالی اور لواحقین کے حوالے کیا، جس کے بعد اس کی نماز جنازہ گاوں ماندلہ میں ادا کردی گئی۔
