اسلام آباد(آئی پی ایس)اسپیکر قومی اسمبلی راجہ پرویز اشرف نے ممتاز کشمیری حریت لیڈر یاسین ملک کو بھارتی حکومت کی جانب سے انسانی حقوق کی خلاف ورزی کرتے ہوئے سزا دینے پر اہل خانہ کے ساتھ یکجہتی کرتے ہوئے کہا ہے کہ پوری پاکستانی قوم یاسین ملک کی سزا کی پرزو مذمت کرتی ہے اور اس سزا کے خلاف سراپہ احتجاج ہیں،
بھارتی عدالت کا یکطرفہ فیصلہ یاسین ملک اور کشمیری عوام کے جذبہ حریت کو دبا نہیں سکتا ہے ، گذشتہ روز اسلام آباد کشمیری حریت رہنماء یسین ملک کی اہل خانہ کے ساتھ اظہار یکجہتی کے لئے یاسین ملک کے گھر پہنچےاور مشعال ملک اور ان کی فیملی سے یکجہتی کا اظہار کیا ہے ، اس موقع پر اسپیکر قومی اسمبلی راجا پرویز اشرف نے کہا کہ پاکستان کی پارلیمنٹ کی جانب سے یاسین ملک کی سزا کے خلاف متفقہ طور مذمتی قرارداد منظور کی گئی ہے جبکہ مذمتی قرارداد میں بھارتی عدالت کے فیصلے کو متعصبانہ اور انصاف کے تقاضوں کے منافی قرار دیا ہے،پاکستانی پارلیمنٹ اور عوام نے ہمیشہ کشمیری عوام کی حق خودارادیت کے لیے اپنی آواز بلند کی ہے،
راجہ پرویز اشرف نے مزید کہا کہ بھارتی عدالت کا یکطرفہ فیصلہ یاسین ملک اور کشمیری عوام کے جذبہ حریت کو دبا نہیں سکتا،یاسین ملک کے خلاف عدالتی فیصلے نے بھارت کے نام نہاد عدالت نظام کو بے نقاب کر دیا ہے، یاسین ملک نے قید و بند کی صعوبتیں برداشت کر کے حق اور سچ کے پرچم کو سر بلند کیا ہے،مسئلہ کشمیر پر تمام سیاسی جماعتیں متفق نقطہ نظر رکھتے ہیں اور کشمیری عوام کی حق خودارادیت کی حمایت کرتے ہیں، اسپیکر قومی اسمبلی راجہ پرویز اشرف کا مزید کہنا تھا کہ مسئلہ کشمیر کو اُجاگر کرنے کے لیے الیکٹرانک، پرنٹ اور سوشل میڈیا کو بھرپور کردار ادا کرنے کی ضرورت ہے،پاکستان کی پارلیمنٹ کی جانب مسئلہ کشمیر کو بین الاقوامی فورمز پر بھرپور طریقے سے اجاگر کیا جائے گا،پاکستانی اور کشمیری عوام میں خونی رشتے پائے جاتے ہیں اور پوری قومی کے دل اپنے کشمیری بھائیوں کے ساتھ دھڑکتے ہیں،جس طرح ہر رات کے بعد صبح طلوع ہوتی ہے اسی طرح مقبوضہ وادی کشمیر میں بھی آزادی کا سورج جلد طلوع ہو گا۔
اس موقع پر حریت رہنماء یاسین ملک کی اہلیہ مشعال ملک نے کہا کہ بھارت کی نام نہاد عدالت کی جانب انصاف کے نظام کا گلا گھونٹ گیا ہے، مودی حکومت نے گاندھی کے سیکولر بھارت کے نظریے کو دفن کر دیا ہے اور بھارت میں کوئی بھی اقلیت محفوظ نہیں بینظیر بھٹو شہید اور نیلسن منڈیلا کی فیملی کو ان سے ملنے کی اجازت تھی لیکن مجھے اور میری بیٹی کو یہ حق حاصل نہیں ہے، مشعل ملک نے مزید کہا کہ میں امید کرتی ہوں کہ پاکستان کی پارلیمنٹ یاسین ملک کی سزا کے خلاف اظہار یکجہتی کے لیے پارلیمنٹ کا مشترکہ اجلاس بلائے گی،میرے اور میری بیٹی کے خلاف بھی بھارت میں مقدمات درج کیے جا رہے ہیں عالمی انصاف کے دعوے دار اداروں سے درخواست سے کہ انصاف دلوایا جائے۔
