شیطان رمضان میں جھوٹ کے ساتھ نمودار ہو گیا ، رانا ثنا اللہ

اسلام آباد(آئی پی ایس)وزیر داخلہ رانا ثنا اللہ نے کہا ہے کہ اب سیاست میں کوئی ہنگامہ نہیں ہوگا، الیکشن اپنے مقررہ وقت پر ہوں گے، جو بھی قانون کو ہاتھ میں لے گا قانون حرکت میں آئے گا، عمران خان کی کرپشن پر کوئی این آر او نہیں دیا جائے گا۔

منگل کو سابق وزیر داخلہ شیخ رشید احمد کے بیان پر ردعمل پر مبنی اپنے ایک بیان میں انہوں نے کہا کہ شیطان رمضان میں جھوٹ کے ساتھ نمودار ہو گیا ہے جو یہ کہتا تھا کہ تحریک عدم اعتماد ناکام ہے، ناکام ہے، ناکام ہے، وہ اس کی کامیابی کے بعد اب نیا چورن بیچنے پر آ گیا ہے، یہ وہی جھوٹا شخص ہے جو کہتا تھا اب سیاست نہیں کروں گا۔رانا ثنا اللہ نے کہا کہ اگر آٹھ سالوں بعد عمران نیازی الیکشن کمیشن جا رہا ہے تو غیرقانونی فارن فنڈنگ، منی لانڈرنگ اور چندے کے پیسے کی لوٹ مار کا جواب دینا ہوگا۔