حرمین شریفین انتظامیہ نے حجر اسود کی مرمت کا کام مکمل کرلیا ہے۔ سعودی پریس ایجنسی کے مطابق حجر اسود کی مرمت کا کام رمضان المبارک کی آمد کی تیاریوں کا حصہ ہے۔ انتظامیہ میں مینٹیننس شعبے کے سربراہ ڈاکٹر سعد بن محمد المحیمید نے کہا ہے کہ ’انتہائی جدید ٹیکنالوجی اور ماہرین کی ٹیم کی مدد سے حجر اسود کی مرمت کا کام کیا گیا ہے‘ انہوں نے کہا ہے کہ ’حرمین انتظامیہ وقفے وقفے حجر اسود ، مقام ابراہیم اور دیگر شعائر کی مرمت کا کام کراتی ہے۔
