وہاڑی (نمائندہ خصوصی) آل پاکستان ہائیڈرو الیکٹرک ورکرز یونین کی کال پر دیگر شہروں کی طرح وہاڑی میپکو کمپلیکس میں بھی مکمل ہڑتال کی گئی زونل چیئرمین شاہد باری چوہان ،یونین ورکرز ڈویژنل چیئرمین سرفراز جھیڈو،چوہدری منظور گجر،غلام مصطفیٰ راشد یعقوب کی قیادت میں میپکو کمپلیکس میں دریاں بچھا کر دھرنے پر بیٹھ گئے ملازمین نے تمام دفاتر کو تالے لگا دیئے جس سے سائلین پریشان دکھائی دیئے جبکہ یونین رہنماوں کا کہنا تھا کہ واپڈا کی نجکاری سے ڈیڑھ لاکھ سے زائد خاندان متاثر ہوں گے لہذا کسی صورت واپڈا کی نجکاری نہیں ہونے دیں گے اور اس کے خلاف ہرفورم پر آواز اٹھائیں گے مظاہرین نے مطالبات کے حق میں نعرے لگائے۔
